Шымкентте қоғамдық тамақтану орнынан өрт шықты
Шымкент қаласының өрт сөндірушілері Қаратау ауданы О.Жәнібеков көшесіндегі екі қабатты кафеден шыққан өртті сөндірді, деп хабарлайды El.kz ақпарат агенттігі.
Өртке қарсы қызметі келгенге дейін кафе әкімшілігі мен қызметкерлері ғимараттан шығып кеткен, сондай-ақ іште қонақтар болған жоқ.
Бұдан бөлек, өрттің басқа ғимараттарға ауысу қаупі болмаған. Барлау нәтижелері бойынша ас үй мен техникалық персоналдың бөлмесінен өрт шыққан.
Осыған орай штаб пен екі жауынгерлік учаске құрылып, жұмысқа 22 бірлік техника және жеке құрамның 74 адамы жұмылдырылды.
ТЖМ күштерімен өрт 250 шаршы метр алаңдағы от толығымен сөндірілді. Оқиға орнында анықтаушылар мен өрт сынақ зертханасы жұмыс істеуде. Өрттің шығу себебі анықталуда, - деп жазылған ТЖМ хабарламасында.
Қысқа да нұсқа. Жазылыңыз telegram - ға