Шымкентте прокурордың ұлы гүл дүкеніне шабуыл жасады
Фото: видеодан алынған кадр
Фото: видеодан алынған кадр
09.08.2023 15:32
3828
Шымкентте бір топ адам гүл дүкеніне шабуыл жасады. Арасында Оңтүстік Қазақстан облысы прокурорының баласы да бар деген ақпарат әлеуметтік желіде тарады, деп хабарлайды El.kz ақпараттық агенттігі.
Қалалық полиция департаментінің баспасөз қызметінің мәліметінше, тәртіп сақшылары аталған оқиғаға байланысты тергеу амалдарын бастады.
Әлеуметтік желіде тараған ақпаратқа сәйкес, 8 тамызға қараған түні Шымкент қаласы Рысқұлов көшесі, 195 мекен-жайында орналасқан "Romantic" гүл дүкеніне бір топ адам мас күйінде кіріп, сатушыларды дене жарақатын саламыз деп қорқытқан.
Бұл бірінші жағдай емес, флористті ұрып - соғып, гүлді ұрлап әкетті. Арыз жазсақ, тәртіп сақшылары қылмыскерді құрықтамайды. Ешқандай жаза қолданбастан, тайраңдатып жүргізіп қояды. Өйткені, қылмыскер ОҚО-ның прокурорының ұлы. Дүкен қызметкерлеріне келіп жиі күш көрсететіні де бар, - деп мәлімдеді дүкен директоры әлеуметтік желіде.
Шымкент қалалық полиция департаменті тергеу басталғанын, осы факт бойынша жиналған материалдар құқық бұзушыға қатысты шешім қабылдау үшін әкімшілік сотқа жіберілетінін айтады.
Тұран ауданының полиция басқармасы қабылданған шаралардың нәтижесінде бейнежазбада көрсетілген адамдарды анықтап, полицияға жеткізді. Алайда, гүл сатушы кез-келген мәлімдемеден бас тартты. Осыған қарамастан, полицейлер ҚР ӘҚБтК 434-бабына сәйкес әкімшілік хаттама жасады, - дейді ведомство.
Ескерту: бейнеде бейпіл сөздер кездеседі!
.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Павлодарда үй өртеніп, салдарынан 2 жасар қыз көз жұмды