Шымкентте мыңнан астам кәсіпкердің құқығы қорғалды
![Шымкентте мыңнан астам кәсіпкердің құқығы қорғалды Шымкентте мыңнан астам кәсіпкердің құқығы қорғалды](/storage/storage/element/2024/07/16/mainphoto/112714/1200xauto_J0cPvmXkOeaDpT6z3NVggDjiDQx7ViOJdnD9U47P.jpg)
Шымкент қаласының прокуратурасы ветеринария заңнамасының сақталуына тексеру жүргізді, деп хабарлайды El.kz ақпарат агенттігі.
Тексеру нәтижесі бойынша өрескел бұзушылықтар анықталды, оның ішінде ветеринариялық қорытындылардың болмауы, зертханалық үй-жайлардың толық еместігі, сараптамаларды формальді түрде жүргізу, актілер шығару, материалдарды сақтау кезінде температуралық режимді сақтамау, кәсіпкерлік субъектілерінің құқықтарын бұзу.
Ветеринариялық-санитариялық зертханаларға қатысты қадағалау актісі бойынша ҚР ӘҚБтК-нің 406, 419, 425-баптарымен 28 әкімшілік құқық бұзушылық туралы хаттама толтырылып, мемлекет кірісіне 5,4 млн теңге көлемінде айыппұл өндірілді.
Сонымен қатар ветеринариялық-санитариялық сараптаманы қайталап өткізу тәжірибесін тоқтату арқылы 1004 кәсіпкердің құқығы қорғалды.
«Республикалық ветеринариялық зертхана» ШЖҚ РМК-ның 6 қызметкері тәртіптік жауаптылыққа тартылды.
![Telegram](https://el.kz./static/site/images/tel26.png)