Жаңалықтар

Шымкентте ең биік ту туғырында көк байрағымыз көтерілді

Фото: Шымкент қаласы әкімдігі

Фото: Шымкент қаласы әкімдігі 25.10.2024 19:00 402

Республика күніне орай Шымкентте қаланың көптеген нүктелерінен көрінетін жаңа символ пайда болды. Shymkent City шағын ауданында биіктігі 100 метрлік ту бағанасында мемлекеттік ту салтанатты түрде көтерілді, деп хабарлайды El.kz ақпарат агенттігі.

Көлемі 30×15 метрлік үлкен Мемлекеттік ту қаланың ең биік нүктесінде желбіреп, патриотизмнің жаңа белгісі мен символына айналды.

Қала әкімдігі Tulip Hall орталығының жанына флагшток орнату бұл жерді жаңа көрнекті орынға айналдырғанын айтты. Жаңа флагштоктың биіктігі Ордабасы алаңындағы 50 метрлік флагштоктан едәуір асып түседі. Бұл Шымкент қаласының серпінді дамуын және қаланың жаңа биіктерге ұмтылуын көрсетеді.

(Фото: Шымкент қаласы әкімдігі)