Шымкентте Дендросаябақ басшысы қаржы жымқырды деген күдікке ілінді
![Шымкентте Дендросаябақ басшысы қаржы жымқырды деген күдікке ілінді Шымкентте Дендросаябақ басшысы қаржы жымқырды деген күдікке ілінді](/storage/storage/element/2024/06/21/mainphoto/109061/1200xauto_bfsi1KnrqO8U3PzpoNDIv9f793zUHwdQU5ZoD5hN.jpg)
Асқаров атындағы «Шымкент мемлекеттік дендрологиялық саябағы» МКҚК директорына, кадр бөлімінің басшысына, сондай-ақ бас бухгалтеріне қатысты 14,7 миллион теңге бюджет қаражатын жымқыру фактісі бойынша сотқа дейінгі тергеп-тексеру аяқталды, деп хабарлайды El.kz ақпарат агенттігі.
Мұны сыбайлас жемқорлыққа қарсы іс-қимыл агенттігінің Шымкент қаласы бойынша департаментінің басшысы Дәурен Ерғарин мәлімдеді.
Тергеу барысында күдіктілер кінәні толық мойындап, келтірілген залалды өтеді.
Қылмыстық іс қала прокуратурасымен сотқа берілді.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
![Telegram](https://el.kz./static/site/images/tel26.png)