Шымкентте алаяқ әйел 3 тұрғынды тәрбиеші етіп жұмысқа тұрғызамын деп 12 млн теңге алған
Фото: freepik.com
Фото: freepik.com
24.01.2024 19:31
898
Шымкент үш әйел балабақшаға жұмысқа орналасу үшін алаяққа 12 млн теңге берген, деп хабарлайды El.kz ақпарат агенттігі.
Алданған тұрғындар полицияға жүгінген. Айтуларынша, бейтаныс әйел оларды балабақшаға тәрбиеші етіп жұмысқа орналастыруға уәде беріп, бұл қызметі үшін сенгіш әйелдердің әрқайсысынан қомақты ақша алған. Келтірілген жалпы шығын көлемі - 12 миллион теңге.
Полиция департаментінің хабарлауынша, аталған жайт бойынша тергеу басталды. Қабылданған шаралардың нәтижесінде жедел уәкілдер күдіктіні ұстады. Күдікті әйел қамауға алынды. Ол бұрын осыған ұқсас қылмысы үшін сотталған Түркістан облысының тұрғыны болып шықты.
Оқи отырыңыз:
- Астанада бала күтуші үй иесінің алтын бұйымдарын жымқырған
- Банк менеджері тұрғындардың атынан 21 млн теңгеге несие рәсімдеп алған
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Президент Алматыға жұмыс сапарымен барды