Шығыс Қазақстанда жол апатынан 3 адам зардап шекті
![Шығыс Қазақстанда жол апатынан 3 адам зардап шекті Шығыс Қазақстанда жол апатынан 3 адам зардап шекті](/storage/storage/element/2023/06/23/mainphoto/56430/1200xauto_LIWybKwIrs1CTwwle1xmEl4Fqkq75eZUpMgfbpkC.jpg)
Шығыс Қазақстан облысында екі көлік соқтығысып 3 адам зардап шекті, деп хабарлайды El.kz ақпараттық агенттігі.
ШҚО Полиция департаменті баспасөз қызметінің мәліметіне сүйенсек, Шемонаиха қаласында Toyota Mark 2 автокөлігінің жүргізушісі мас күйде рульге отырған. Соның салдарынан тізгінді басқара алмай қалып, Toyota Land Cruzer көлігіне соғылды.
Жол-көлік оқиғасының салдарынан екі көліктің жүргізушілері және бір жолаушы зардап шекті. Түрлі деңгейдегі жарақат алған олар медициналық мекемеге жатқызылды, - делінген ақпаратта.
Аталған факті бойынша Қазақстан Республикасы Қылмыстық Кодексінің 345-бабына (Абайсызда денсаулыққа орташа ауырлықтағы зиян келтіруге әкеп соққан жол қозғалысы ережелерін бұзу) сәйкес сотқа дейінгі тергеу амалдары басталды. Қазіргі уақытта бірқатар сот-медициналық сараптама тағайындалған. Соның қорытындысы бойынша процессуалдық шешім қабылданады.
![Telegram](https://el.kz./static/site/images/tel26.png)