ШҚО тұрғыны жеңіл автокөлікпен жылқы тасымалдаған
![ШҚО тұрғыны жеңіл автокөлікпен жылқы тасымалдаған ШҚО тұрғыны жеңіл автокөлікпен жылқы тасымалдаған](/storage/storage/element/2023/11/30/mainphoto/78839/1200xauto_mb9soFshIR8MF7MwChcax4TFTPbV66PEgRU1xAwq.png)
ШҚО-да жеңіл көлікпен жылқы тасымалдаған тұрғын ұсталды, деп хабарлайды El.kz ақпарат агенттігі.
ҚР ІІМ баспасөз қызметінің мәліметінше, тәртіп бұзушы «Мал ұрлығы» жедел-профилактикалық іс-шарасы барысында анықталды.
Полиция қызметкерлері патрульдеу барысында тексеру үшін 44 жастағы жергілікті тұрғынның басқаруындағы көлікті тоқтатқан.
Автокөлікті тексеру кезінде артқы орындықта ер адамның тиісті құжаттарсыз, сондай-ақ тасымалдау ережелерін бұза отырып, тірі жылқыны алып бара жатқанын анықтаған, - делінген мәліметте.
Жүргізушіге қатысты ҚР ӘҚБтК-нің 406-бабы 1-бөлігі бойынша әкімшілік хаттама толтырылды. Заңды шешім қабылдау үшін жиналған материал Тарбағатай аудандық ветеринарлық-аумақтық инспекциясына жолданды.
![Telegram](https://el.kz./static/site/images/tel26.png)