ШҚО тұрғыны 7 тоннадан астам балықты заңсыз тасымалдаған
![ШҚО тұрғыны 7 тоннадан астам балықты заңсыз тасымалдаған ШҚО тұрғыны 7 тоннадан астам балықты заңсыз тасымалдаған](/storage/storage/element/2023/09/12/mainphoto/67971/1200xauto_VnYcpqrIGr8899ZNdaPc0i0cTTPhrYTlXzHgcnId.png)
ШҚО тұрғыны құны 50 миллион теңгені құрайтын 7 тоннадан астам балықты заңсыз тасымалдаған, деп хабарлайды El.kz ақпарат агенттігі.
ҚР ІІМ мәліметінше, полиция қызметкерлері Омбы-Майқапшағай тас жолынын патрульдеу барысында облыс орталығының 31 жастағы тұрғынының басқаруындағы КамАЗ-ды тоқтатқан.
Көлікті тексеру кезінде ер адамның балық толтырылған 280-ден астам полиэтилен пакеттерін тиісті құжаттарсыз тасымалдағаны белгілі болды. Жүргізушінің айтуынша, ол жүкті Өскеменге облыстағы ауылдардың бірінен тасымалдаған.
Күдіктінің салмағы 7 тоннадан асатын көксерке балықтарын қаптарға салып тасымалдағаны анықталды. Келтірілген шығын 50 миллион теңгеден астам. ҚР ҚК-нің 335-бабы 4-бөлігімен сотқа дейінгі тергеу жүргізілуде, - делінген мәліметте.
![Telegram](https://el.kz./static/site/images/tel26.png)