ШҚО-да жылыту маусымына дайындық басталды

ШҚО ТЖД құтқарушылары жылыту маусымына дайындық жұмыстарын бастады, деп хабарлайды El.kz ақпарат агенттігі.

Алдымен көпбалалы және аз қамтылған отбасылардың үйлері, сондай-ақ қозғалысы шектеулі және қарт адамдардың үйлері бақылауға алынды. Биыл облыста 3100-ден астам үй есепке алынды. Аралау және пештерді тексеру барысында ТЖД мамандары тұрғындарға пешті қысқа қалай дайындау керектігін және өрт немесе иіс газынан улануды тудыруы мүмкін бұзушылықтарды жою туралы нұсқаулық береді.

Әлеуметтік осал тұрғындардың үйлерін тексергеннен кейін ТЖД мамандары иіс газын анықтайтын датчиктер орнатады. «Иіс газын анықтайтын датчиктер үлкен нәтиже берді. Газ талдағыштардың уақтылы іске қосылуы 42 адамның, оның ішінде 31 баланың өмірін құтқарды», – деп атап өтті бастығының орынбасары Серік Амангелдин.

Келесі жылыту маусымының барысында, 2025 жылдың сәуір айына дейін барлық пешпен жылытылатын үйлерді аралап, нұсқаулықтар беріледі.

ТЖД еске салады:

- пештер күйеден тікелей жылыту маусымы басталар алдында және маусым бойы үш айда бір реттен кем емес – жылытқыш пештер үшін, екі айда бір реттен кем емес

- үздіксіз жұмыс істейтін пештер үшін тазалануы тиіс

- барлық мұржалар мен қабырғалар әктелуі тиіс

- пештің алдында 50*70 см көлемінде металл қорғаныс табақ болуы тиіс

- қыздырылған күл мен шлакты оттықтан шығарғаннан кейін арнайы белгіленген орынға апарып, сумен сөндіру керек

Пешті қауіпсіз пайдалану үшін маңызды факторлардың бірі – дұрыс құрылыс. Яғни, пеш өрт қауіпсіздігі ережелеріне сай жанғыш құрылымдардан қажетті аралықты сақтауы тиіс.

Қысқа да нұсқа. Жазылыңыз telegram - ға