ШҚО-да қар көшкінінің қаупі бар аумақта қауіпсіздік шаралары қолға алынды
Шығыс Қазақстан облысы Алтай ауданында «Өскемен-Алтай» республикалық маңызы бар автожолының 66-шақырымында қар көшкіні қаупіне байланысты қауіпсіздік шаралары қабылданды, деп хабарлайды El.kz ақпарат агенттігі.
Төтенше жағдайлар министрлігінің құтқарушылары мен полиция қызметкерлері жолды уақытша жауып, автокөліктердің біртіндеп өтуін ұйымдастырды. Қауіпсіздікті қамтамасыз ету үшін ҚР ТЖМ Апаттар медицинасы орталығының дәрігерлері кезекшілік етуде. Бүгінгі күні шамамен 40 автокөлік қауіпсіз өткелден өткізілді.
Бұл аймақта бұған дейін қатты жел мен мол жауын-шашын қар көшкіндерінің өздігінен түсуіне себеп болған еді.
Қар көшкіні қаупі кезеңінде азаматтарға қауіпсіздік шараларын қатаң сақтау ұсынылады. Қар көшкіні қаупі бар аймақтарға барудан бас тартып, ауа райының болжамдарын мұқият қадағалау қажеттігі айтылып отыр.
Қысқа да нұсқа. Жазылыңыз telegram - ға