ШҚО құтқарушылары май зауытындағы өртті жойды, деп хабарлайды El.kz ақпарат агенттігі.
ТЖМ мәліметінше, Глубокое ауданында Предгорное ауылында, май зауытының аумағында қабық пен шротты түйіршіктеу цехының қабықты шығару нориямында өрт шығып, түтін 4-ші мен 6-қабаттарға тарады. Күнбағыстың қабығы өртенді.
Объектінің қызметкерлері үй-жайдан уақтылы шығып кеткен болатын.
Шақырту орнына келген өрт сөндіру есептоптары қауіпсіздік техникасын сақтай отырып, шығудың жоғары дәрежесі бойынша жұмыс істеді, - делінген мәліметте.
50 шаршы метр алаңға тараған өрт сөндіріліп, өрт сөндірушілердің жедел әрекеттерінің арқасында объектінің негізгі жабдықтары құтқарылып қалды.
Бөлісу:
Қысқа да нұсқа. Жазылыңыз telegram - ға