ШҚО-да "Ауыл аманаты" бойынша 500-ден астам жоба қаржыландырылады

Шығыс Қазақстан облысында ауыл тұрғындарын қолдау, жаңа жұмыс орындарын ашу және кәсіпкерлікті дамытуға бағытталған "Ауыл аманаты" бағдарламасы іске асырылып жатыр, деп хабарлайды El.kz ақпарат агенттігі.

Өңірдің ауыл шаруашылығы басқармасының басшысы Ажар Қаджибекованың мәліметінше, 2023 жылы бағдарлама бойынша 1,5 млрд теңгеге несие беріліп, 235 жаңа жұмыс орны ашылды.

Былтыр 7 млрд теңге бөлу жоспарланған еді. Алайда республикалық бюджеттен 2,5 млрд теңге бөлінді. Қазіргі таңда 1 млрд теңгеге 72 жоба мақұлданып, 163 жаңа жұмыс орны ашылады, - деді Ажар Каджибекова.

Биыл бағдарламаны іске асыруға қосымша 3 миллиард теңге бөлінбек. Ауыспалы қаражатты ескерсе, бюджет 4,5 миллиард теңгені құрайды. Бұл шамамен 550 жобаны қаржыландыруға мүмкіндік береді. Оның ішінде туризм, ауылшаруашылық өнімдерін қайта өңдеу және фермерлерге техника сатып алу көзделіп отыр. 

Қысқа да нұсқа. Жазылыңыз telegram - ға