Жаңалықтар

Шахтадағы апаттан кейін 6 жұмысшының денесі табылды

Фото: ©El.kz/Ербол БЕКБОЛАТ/DALL-E-3

Фото: ©El.kz/Ербол БЕКБОЛАТ/DALL-E-3 18.02.2025 03:31 501

Ұлытау облысы Жаңаарқа ауданындағы "Жомарт" шахтасындағы апаттан кейін 6 жұмысшының денесі табылды, деп хабарлайды El.kz ақпарат агенттігі.

Іздестіру-құтқару жұмыстары барысында құтқарушылар тобы «Қазақмыс корпорациясы» ЖШС алты жұмыскерінің денесін тапты. Олардың жеке басының ақпараты анықталуда. Қазіргі уақытта оқиғаның барлық мән-жайларын анықтау үшін тергеу жүргізілуде.

Жетінші адамды іздеу жұмыстары жалғасып жатыр. Оқиға орнында Қазақстан ТЖМ күштері мен құралдары тобы жұмыс істеуде,-деп атап өтті ведомстводан.

17 ақпанда "Қазақмыс" корпорациясына тиесілі "Жомарт" кенішінде 640 метр тереңдікте тау жынысы опырылып, 7 жұмысшы үйінді астында қалды. Олардың аты-жөндері белгілі болды .

Шахта апатына байланысты үкіметтік комиссия құрылды.

Бөлісу: