Семейде сайлау күні мүгедек жандарды 11 арнайы көлік тасымалдайды

Семей қаласында Президент сайлауы күні мүгедек жандарды сайлау учаскелеріне 11 арнайы көлік тасымалдайды, деп хабарлайды El.kz қала әкімдігінің баспасөз қызметіне сілтеме жасап.

Осылайша, Семейде мүмкіндігі шектеулі жандар өздерінің Конституциялық құқықтарын пайдалана алады.

Сайлау барысында мүгедектігі бар сайлаушылардың жағдайы толық қарастырылу керек. Қаладағы сайлау учаскелеріне келгендер құлаққаптар, Брайль қарпінде сайлау туралы ақпараты бар арнайы папка, қосымша жарықтандыру, ұлғайтқыштар және сурдоаудармамен қамтамасыз етіледі, – дейді Семей қаласының аумақтық сайлау комиссиясының төрағасы Зейнолла Тоқаев.

Сонымен қатар 20 қарашада Семей қаласында қоғамдық көліктер тегін қатынайды.

Қысқа да нұсқа. Жазылыңыз telegram - ға