Семейде ауыл шаруашылық жәрмеңкесі өтті
Фото: Абай облысының әкімдігі
Фото: Абай облысының әкімдігі
09.02.2025 05:32
121
Семейде Мақаншы ауданы шаруаларының қатысуымен ауыл шаруашылық жәрмеңкесі өтті, деп хабарлайды El.kz ақпарат агенттігі.
Өткен жылдың қарашасынан бері ұйымдастырылып келе жатқан жәрмеңке азық-түлік бағасын тұрақтандыруға бағытталған. Бұл жолғы шарада 1,7 тонна ет, сүт өнімдері, 70 келі бал, 90 келі балық, 50 келі нан өнімдері, сондай-ақ 1,7 тонна көкөніс нарық бағасынан төмен сатылды.
Жәрмеңке мерекелік форматта өтіп, киіз үй тігіліп, келушілерге бауырсақ пен шай таратылды. Мәдениет үйінің өнерпаздары концерттік бағдарлама ұйымдастырылып отыр.
Облыстық ауыл шаруашылығы басқармасының мәліметінше, жәрмеңкелер мамыр айының соңына дейін жалғаспақ.
Бөлісу:
Қысқа да нұсқа. Жазылыңыз telegram - ға