«Семей орманы» резерватында 5 жерден шыққан өрт ауыздықталды
![«Семей орманы» резерватында 5 жерден шыққан өрт ауыздықталды «Семей орманы» резерватында 5 жерден шыққан өрт ауыздықталды](/storage/storage/element/2024/08/19/mainphoto/117499/1200xauto_ofp0YCXjrIcZ3oFlqaQ48NrVwclz6Lra6mZZBeno.jpg)
Фото: ©El.kz/Арман МУХАТОВ
Фото: ©El.kz/Арман МУХАТОВ
18.08.2024 08:31
457
«Семей орманы» мемлекеттік орман табиғи резерватында 5 жерден шыққан өрт ауыздықталды, деп хабарлайды El.kz ақпарат агенттігі.
Соңғы күндері «Семей орманы» мемлекеттік орман табиғи резерватында өрт оқиғалары жиілеп кетті. 17 тамыз күні 5 жерге қызыл жалын жайылған.
«Әр жерге өрт сөндіру бекетінің қызметкерлері шұғыл жетіп, тілсіз жаумен күреске түсті. Дер кезінде қабылданған шаралардың арқасында барлық жердегі өрт сөндірілді. Анықталғандай, 5 жерде де оттың шығуына – найзағай себеп болған», - делінген «Семей орманы» мемлекеттік орман табиғи резерватынан таратқан ақпаратта.
Еске салсақ, 15 тамыз сағат 18:00-ден 16 тамыз 13:00-ге дейін аталған орман қоры аумағында шыққан 18 өрт ауыздықталған болатын.
Бөлісу:
![Telegram](https://el.kz./static/site/images/tel26.png)