Сегіз адамның өмірін жалмаған жол апаты: жүк көлігінің жүргізушісі қамауға алынды
Фото: видеодан алынған кадр
Фото: видеодан алынған кадр
08.08.2024 13:18
1596
Сегіз адамның, оның ішінде бес баланың өмірін жалмаған жол апатына қатысы бар жүк көлігінің жүргізушісі қамауға алынды, деп хабарлайды El.kz ақпарат агенттігі.
Облыстық полиция департаментінің мәліметінше, 7 тамызда 8 адам, оның ішінде 5 кәмелетке толмаған бала қаза болған жол-көлік оқиғасы бойынша, 2 және одан да көп адамның өліміне әкелген жол қозғалысы ережелерін бұзу дерегі бойынша тергеп-тексеру жүргізіліп жатыр.
Күдікті MAN көлігінің жүргізушісі, уақытша ұстау изоляторына қамалды. Барлық қажетті сараптама тағайындалды, - делінген хабарламада.
Сонымен қатар, ведомство барлық жауапты тұлғаларға құқықтық баға берілетінін мәлімдеді.
Еске салайық, жантүршігерлік жол апаты Ақтөбе облысы Хромтау маңында болды.
Бөлісу:
Қысқа да нұсқа. Жазылыңыз telegram - ға