Сәкен Майғазиевтің жұбайы тұңғыштары туралы қауесетке нүкте қойды

Танымал әнші, ҚР еңбек сіңірген қайраткері Сәкен Майғазиевтің жары Динара алғаш рет ел алдына шығып сұхбат берді, деп хабарлайды EL.kz ақпарат агенттігі «Жарқын жүздесу» бағдарламасына сілтеме жасап.

Ол халық арасында тараған «Әділетті әншінің бірінші әйелінен туған ұл» деген қауесетке нүкте қойды.

Біздің қыздардың педиатр дәрігері бар. Бір күні «ыңғайсыз болса да, бір сұрақ қояйыншы» дейді. «Иә, қойыңыз» десем, «Мына жердегі қыздардың бәріне қызық болып жүр. Осы Әділет Сәкеннің бірінші әйелінің баласы екен ғой. Әлеуметтік желідегі суреттерді қарасақ, үш қызбен түсесіздер, үш қызбен шетелге қыдырады екенсіздер, Әділетті қоспайсыздар» дейді. Оларға өгей шеше сияқты қоспай жүрген болады екенмін, – деп күлді өнер иесінің жұбайы. 

Сонымен қатар, Сәкен Майғазиев жарына берген уәдесін жиырма жылдан кейін орындап,  «Жүрегімнің ішіндегі жүрегім» әнінің клипіне түсірген.

Қысқа да нұсқа. Жазылыңыз telegram - ға