Ростов-на-Донудан жүретін автобустар тоқтатылды
Ростов-на-Дону қаласындағы негізгі автовокзалда барлық рейстер тоқтатылды, деп хабарлайды El.kz ақпараттық агенттігі
Қаладан кетуге бел буған Ростов-на-Дону тұрғындары теміржол вокзалын жағалап жүр.
Телеграм-арналарда жарияланған фотосуреттерден Ростов-на-Дону тұрғындарының жанармай құю станцияларының алдында да ұзын-сонар кезекте тұрғанын байқауға болады.
Қаладан басқа көлік құралдарымен кету де күрделі мәселеге айналды. Себебі қала маңындағы вокзал перрондарында мыңдаған адам жүр.
"Коммерсант" газеті қаланың басқа вокзалдары да адамға лық толы екенін жазды. Ростов-на-Донудан автобус маршруттарының барлығы тоқтатылған.
Бүгін Ресейдің Ростов қаласында "Вагнер" жалдамалы әскерінің сарбаздары басып алғаны айтылды. Мәскеу қаласы мен Мәскеу облысының аумағында болуы мүмкін лаңкестік әрекеттердің алдын алу мақсатында терроризмге қарсы операция жағдайы орнатылды.
Еуроодақ елдері Ресейдегі жағдайға қатысты пікір білдірді.
Мәскеу мэрі Сергей Собянин дүйсенбі күні мәскеуліктер үшін демалыс болатынын айтты.
Қысқа да нұсқа. Жазылыңыз telegram - ға