Роман Скляр: Үш жаңа ЖЭО салуға БЖЗҚ қаражаты жұмсалмайды
![Роман Скляр: Үш жаңа ЖЭО салуға БЖЗҚ қаражаты жұмсалмайды Роман Скляр: Үш жаңа ЖЭО салуға БЖЗҚ қаражаты жұмсалмайды](/storage/storage/element/2024/06/21/mainphoto/109123/1200xauto_8r4eHQxwsA7V58G3VEpecyRqX4EOiaoXSc94VToY.jpg)
Үкімет басшысының бірінші орынбасары Роман Скляр Парламент палаталарының бірлескен отырысы барысында депутаттардың сұрақтарына жауап бере отырып, жаңа ЖЭО құрылысы туралы айтты, деп хабарлайды primeminister.kz-ке сілтеме жасап El.kz ақпарат агенттігі.
Қазіргі таңда еліміздің барлық энергия көздерінің белгіленген қуаты 21 мың МВт құрайды, алайда қолда бар қуаты — 16 мыңға жуық.
Қуат көзіне қажеттілік шамадан тыс артатын уақытта біз сырттан 2 мың МВт жуық электр энергиясын сатып аламыз. Бұл, әрине, өте көп. Осыған байланысты жаңа энергия көздерін тезірек салу қажеттілігі туындайды. Көкшетау, Семей және Өскемен қалаларында үш ЖЭО салу және ГРЭС-2 үшінші энергия блогын салу туралы келісімге қол қойылды, — деді бірінші вице-премьер.
Бұл жобалар осы энергетикалық жабдықты өндіруші елдің жеңілдетілген экспорттық қаржыландыру қаражаты есебінен қамтамасыз етілетін болады.
БЖЗҚ қаржысы қарастырылмаған және қарастырылмайды, — деді Роман Скляр.
![Telegram](https://el.kz./static/site/images/tel26.png)