Ролан Гаррос турнирі: Елена Рыбакина жеңіске жетті
Фото: ©AP/Jean-Francois BADIAS
Фото: ©AP/Jean-Francois BADIAS
30.05.2023 22:50
778
Қазақстанның бірінші, әлемнің 4-ракеткасы Елена Рыбакина Ролан Гаррос турнирінің екінші айналымына шықты, деп хабарлайды El.kz ақпарат агенттігі.
Қазақстандық теннисші алғашқы айналымда дүниежүзілік рейтингте 146-орында тұрған чехиялық 16 жасар Бренда Фрухвиртовамен кездесті.
Бірінші партияда 3:3 есеппен чехиялық спортшы брейкпен алға шыққанымен, Елена есесін жібермеді. Содан кейін тағы бір брейкпен сетті тәмамдады – 6:4.
Бренда Фрухвиртова екінші партияда да брейк жасағанымен Елена Рыбакина таразы басын қайта теңестіріп, өз геймін де алды – 3:2. Ақыры матчты кезекті брейкпен түйіндеді – 6:2.
Елена Рыбакина екінші айналымда Чехияның тағы бір жас жұлдызы, әлемнің 50-ракеткасы, 18 жастағы Линда Носковамен бақ сынасады.
Бөлісу:
Қысқа да нұсқа. Жазылыңыз telegram - ға
Келесі жаңалық
Тұман, көктайғақ: 23 ақпанға арналған ауа райы болжамы