Римма Волосенконың жекпе-жегінің шешімі өзгермейді - Федерация өкілі
![Римма Волосенконың жекпе-жегінің шешімі өзгермейді - Федерация өкілі Римма Волосенконың жекпе-жегінің шешімі өзгермейді - Федерация өкілі](/storage/storage/element/2024/03/07/mainphoto/93212/1200xauto_0xxbCzD3i0iiWX1KcGVyCwlhKthpygU6fYd9Reah.jpg)
Фото: Туризм және спорт министрлігінің баспасөз қызметі
Фото: Туризм және спорт министрлігінің баспасөз қызметі
08.03.2024 03:37
615
Римма Волосенконың ширек финалдық кездесуінен кейін жекпе-жек қорытындысына байланысты қазақстандық бокссүйер қауым арасында орынды нала қынжылыстардың тууына байланысты Қазақстан бокс федерациясының вице-президенті Азиз Қожамбетов пікір білдірді, деп хабарлайды EL.kz ақпарат агенттігі.
Олимпиада ойындарына лицензиялық бәсекелер Халықаралық Олимпиада комитетінің аясында өтеді. Өкінішке қарай, ХОК ережесіне сәйкес, Ұлттық федерациялар жекпе-жек қорытындысы бойынша төрешілер шешіміне шағым бере алмайды. Тек төрешілердің жұмысына баға беретін бақылаушы мен бағалаушы болады. Қазақстан бокс федерациясы тарапынан осы жекпе-жекке байланысты турнир ұйымдастырушыларына наразылығымызды жеткіздік. Олар кездесуге қазылық еткен төрешілердің жұмысын қарастырып, кінәрат болған жағдайда алдағы жекпе-жектерден шеттететіндіктерін айтты. Бірақ, өкінішке қарай, жекпе-жектің қорытынды есебі өзгертілмейді,- деді Азиз Қожамбетов.
Естеріңізге сала кетейік, 60 келі салмақ дәрежесінде өткен Римма Волосенко мен словакиялық Мирослава Жединакова арасындағы ширек финалдық жекпе-жек 2:3 есебімен қарсыластың пайдасына шешілген болатын.
Бөлісу:
![Telegram](https://el.kz./static/site/images/tel26.png)
Алдыңғы жаңалық
Түркістандықтар Наурыз мерекесін 10 күн тойлайды
Келесі жаңалық
Астанада Қазақстанның мәдени апталығы өтіп жатыр