Жаңалықтар

Референдумның нәтижесі еліміздің дамуына тікелей әсер етеді - жас ғалым

Фото: Amanat

Фото: Amanat 03.10.2024 16:45 108

Ядролық энергетика саласындағы жас маман, «Болашақ» бағдарласының түлегі Әсет Махамбетов мәслихат депутаттарының форумында атом энергетикасына қатысты ойымен бөлісіп, әлем елдеріндегі атом электр станцияларының жұмысы туралы айтты, деп хабарлайды El.kz ақпарат агенттігі.

Оның сөзінше, әлемде атом энергетика саласы мұқият қадағаланып, жүйелі бақылауда болатындықтан, оның қауіпсіздігіне алаңдаудың қажеті жоқ.

Қазірдің өзінде әлемнің дамыған Финляндия, Оңтүстік Корея, Біріккен Араб Әмірліктері, Ресей, Қытай, Үндістан, Франция сияқты 7 ғана елдің өзінде 203 реактор орналасқан. Ал бір ғана АҚШ-тың өзінде 94 реактор қызмет жасап, 97 мың мегаватт электр қуатын беруде. Басқа мемлекеттер осы саланы дамытып жатқанда біз неге кенже қалуымыз керек?! Одан басқа іргелес Өзбекстанда АЭС небәрі 60-70 шақырым жердегі Жизақ өңірінде салынбақшы. Жан-жағымыздың барлығы АЭС, біз неге салмауымыз керек?, - деді ол.

Сондай-ақ ол жыл өткен сайын елімізде электр энергиясының тапшылығы айқын сезіліп жатқанын атап өтті.

Мұны шешудің бір ғана жолы – жоғары технологиялық Атом энергетикасын дамыту. Ол үшін бізде АЭС-ке қажетті уранның қоры жеткілікті. Оған қоса, 2021 жылдан бастап дайын ядролық отын өндіретін зауытын іске қостық. Бұл шикізат емес, атом реакторларына тікелей орналасатын дайын отын. Сондықтан, күні ертең өтетін жалпыұлттық референдумда біз дұрыс таңдау жасауымыз керек. Референдумның нәтижесі еліміздің ғылымына, энергетика мен экономикасының дамуына тікелей әсер етеді, - деді ол.

Бөлісу: