ҚР Конституциясының 80 бабына түсіндірме

ҚР Конституциясы, 80-бап

Соттарды қаржыландыру, судьяларды тұрғын үймен қамтамасыз ету республикалық бюджет қаражаты есебінен жүргізіледі және ол сот төрелігін толық әрі тәуелсіз жүзеге асыру мүмкіндігін қамтамасыз етуге тиіс.

Соттарды орталықтан қаржыландыру және судьяларды Республикалық бюджет қаражаты есебінен қамтамасыз ету туралы конституциялық ереженің мақсаты соттарды жергілікті өкілді және атқарушы билік органдарына нақты бағынудан қорғау.

Конституцияның осы нормасы сот билігін коммуналдық меншік пен жергілікті бюджетті басқаратын жергілікті атқарушы органдардың соттардың қызметіне қандай да болмасын тікелей және жанама араласуынан әрі соттарға қысым көрсетуінен нақты қорғауды қарастырады.

Сонымен бірге соттардың Республикалық бюджет қаражатының есебінен материалдық-техникалық қамтамасыз етілуін Конституцияда бекітуді судьялардың сот төрелігін жүзеге асыру кезіндегі тәуелсіздігінің тағы бір кепілдігі ретінде қарастыру қажет.

Қазақстан Республикасы Конституциясының ғылыми-практикалық түсіндірмесінен үзінді

Қысқа да нұсқа. Жазылыңыз telegram - ға