Қытай АҚШ тауарларына 84% көлемінде баж салығын енгізді
АҚШ президенті қытайлық тауарларға 104% кедендік тариф енгізгеннен кейін, Қытай да америкалық тауарларға 84% көлемінде баж салығын енгізетінін жариялады. Бұл туралы The New York Times-ке сілтеме жасай отырып El.kz ақпарат агенттігі хабарлайды.
Бір апта бұын президент Трамп қытайлық өнімдерге 34% тариф енгізген, оған жауап ретінде Бейжің де 34% баж салығын енгізді. Кейін Трамп тағы қосымша 50% салықпен жауап берді, енді Қытай да қарап қалмай, бұл қадамға теңдей жауап қайтарып отыр.
Қытайдың шешімі бойынша, барлық америкалық тауарға 84% баж салығы салынады, бұл Бейжің уақытымен түн ортасынан бастап күшіне енеді.
Сонымен қатар Қытай тағы 12 америкалық компанияға экспорттық бақылау енгізетінін, сондай-ақ тағы алты америкалық компанияны «сенімсіз субъектілер» тізіміне қосқанын жариялады. Бұл тізімге енген компанияларға әдетте Қытайда немесе қытайлық серіктестермен бизнес жүргізуге тыйым салынады.
Қысқа да нұсқа. Жазылыңыз telegram - ға