Қырымдағы лагерьге кеткен қазақстандық оқушылар елге оралды ма? Министр жауап берді
![Қырымдағы лагерьге кеткен қазақстандық оқушылар елге оралды ма? Министр жауап берді Қырымдағы лагерьге кеткен қазақстандық оқушылар елге оралды ма? Министр жауап берді](/storage/storage/element/2023/06/06/mainphoto/53498/1200xauto_iZbiSOqaSwXzshRNLJn6eG8Jb2fCVVZWhOHf72hp.jpg)
Ресей басқыншылығындағы Украинаның жері – Қырымдағы лагерьге демалуға кеткен қазақстандық оқушылар елге оралды. Бұл туралы оқу-ағарту министрі Ғани Бейсембаев Үкімет кулуарында айтты, деп хабарлайды El.kz ақпарат агенттігі.
Балалардың бәрі аман-есен оралды. Барлығы әке-шешелерінің қолына табысталды. Мұндай жекеменшік олимпиадалар мен байқауларға тосқауылдар қойылды. Ол тосқауыл бар. Бірақ бұл жерде мынаны түсіну керек. Бұл ата-аналардың өз еркімен жасалған дүние. Әрі қарай мұндай мәселелерге жол берілмес үшін білім басқармасының бұйрығынсыз және министрліктің Құқық қорғау комитетінің рұқсатынсыз балаларды шетелге жіберуге жол бермеу мәселесі қолға алынып отыр, - деді ол.
Еске сала кетсек, Қазақстанның 10 оқушысы Қырымда орналасқан лагерьге демалуға 24 күнге аттанған болатын.
Бұған дейін Ғани Бейсембаев мемлекеттік балабақшалар қазақ тіліне көшірілетінін айтқан болатын.
![Telegram](https://el.kz./static/site/images/tel26.png)