Қостанайда синтетикалық есірткі таратқан ерлі-зайыптылар ұсталды
Қостанай облысының полицейлері синтетикалық есірткі таратқан қылмыстық топ мүшелерін ұстады, деп хабарлайды облыстық Полиция департаментіне сілтеме жасап El.kz ақпарат агенттігі.
Қылмыстық істің қатысушылары аймақ аумағында “синтетиканы” таратумен айналысқан.
Полицейлер 300-ден 500 граммға дейінгі есірткі партиясын алған жас ерлі-зайыптылар үйлерінде zip пакеттерге шағын дозаларға салып, одан әрі “қойып кету” арқылы таратқандығы анықтады. Әрқайсысында осындай 30-40 пакет болған.
“Қара нарықта” синтетикалық препараттың жарты келісі шамамен 15 миллион теңгені құрайды.
Біз 300 грамнан астам синтетикалық есірткіні, ақшаны және травматикалық қаруды тәркіледік. Заттар бойынша сот-химиялық сараптама тағайындалды. Ұсталғандардың айтуынша, бұл мефедрон мен PVP болды, - деді Қостанай облысы ПД Есірткі қылмысына қарсы іс-қимыл басқармасының бастығы Нұржан Ахметов.
Ұсталған төрт күдікті қамауда отыр. Алдын ала келісу арқылы есірткіні заңсыз өткізгені үшін қылмыс жасағандардың мүлкі тәркіленіп, он жылдан он бес жылға дейінгі мерзімге бас бостандығынан айырылады.
Қостанай облысының ПД өткен жылы заңсыз айналымнан 430 килограмм есірткі, оның ішінде 10 келіден астамы синтетикалық есірткі тәркіленгенін атап өтті.
Посмотреть эту публикацию в Instagram
Оқи отырыңыз:
- Алматы облысында үш есірткі зертханасы жойылды
- Түркістанда шетел азаматы шекарадан есірткімен өтпек болған
Қысқа да нұсқа. Жазылыңыз telegram - ға