Қостанай облысында полицейлер жолда қалған 100-ден астам шетелдікке көмектесті
![Қостанай облысында полицейлер жолда қалған 100-ден астам шетелдікке көмектесті Қостанай облысында полицейлер жолда қалған 100-ден астам шетелдікке көмектесті](/storage/storage/element/2024/02/22/mainphoto/91028/1200xauto_PEv8Ju7M8YTlQF47yfJa4y0P3w455jfg9Bbs6K96.jpg)
Қостанай облысында полицейлер аязда жолда қалған 100-ден астам шетелдік азаматқа көмектесті, деп хабарлайды El.kz ақпарат агенттігі.
Polisia.kz мәліметінше, 22 ақпанда Қарабалық кентінің маңындағы республикалық маңызы бар М-36 Екатеринбург – Алматы автожолында техникалық ақаулыққа байланысты екі автобус істен шықты. Автобустардың жанар-жағармайы қатып қалған.
Бірінші Тәжікстан – Екатеринбург бағытындағы автобусының ішінде 55 Тәжікстан азаматы оның ішінде 6 бала болған. Екінші автобуста Шымкент – Челябі бағытында Өзбекстанның 58 азаматы оның ішінде 12 бала болған. Барлық жолаушылар қауіпсіз жерге шығарылып, Қарабалық кентінің жылыту пункттеріне орналастырылды, - делінген мәліметте.
Бұл жерде құтқарушылар, полиция қызметкерлері және жергілікті атқарушы органдардың өкілдері жұмыс істеді.
![Telegram](https://el.kz./static/site/images/tel26.png)