Қостанай облысында мас жүргізуші өзін жолаушы қылып көрсеткен
Фото: © Polisia.kz
Фото: © Polisia.kz
26.11.2023 19:50
803
«Құқықтық тәртіп» жедел алдын-алу шарасы барысында Тобыл қаласындағы патрульдік полиция қызметкерлері 2017 жылдан бері автокөлікті басқаруға құқығы жоқ 34 жастағы «Мерседес» жүргізушісін ұстады, деп хабарлайды El.kz ақпарат агенттігі.
Polisia.kz-тің мәліметінше, жүргізуші мас күйінде болған.
Тоқтаған кезінде жүргізуші алдыңғы жолаушылар орындығына ауысып, өзін жолаушы секілді көрсетті. Ал көлікте басқа ешкім болмады. Құқық бұзушы ҚР ӘҚБтК-нің 608-бабы «Жүргізушінің көлік құралын алкогольдік, есірткілік немесе уытқұмарлық масаң күйде басқаруы» бойынша әкімшілік жауапкершілікке тартылды, - делінген ведомство хабарламасында.
Автокөлік арнайы автотұраққа қамалды. Бүгін жүргізушіні Қостанай аудандық соты 20 тәулікке әкімшілік қамауға алды.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Абай облысында ауқымды IT-фестиваль өтті
Келесі жаңалық
«Таза Қазақстан»: Шымкентте ауқымды сенбілік өтті