Қосшының бұрынғы басшысы басқа қалаға әкім болып тағайындалды
Ақмола облысы Степногорск қаласының әкімі болып Гайдар Қасенов тағайындалды, деп хабарлайды El.kz ақпарат агенттігі.
Облыстық әкімдік мәліметінше, Степногорск қаласының жаңа әкімін облыс әкімінің бірінші орынбасары Елдос Рамазанов қала активіне таныстырды. Елдос Рамазанов бұрынғы әкім Алпысбай Қайыржановқа алғысын білдіріп, жаңа әкімге сәттілік тіледі.
Мемлекет басшысының тапсырмасы бойынша Гайдар Қасеновке қаланы дамыту және тұрғындарға қолайлы жағдай жасау бойынша бірқатар міндет жүктелді.
Бүгінгі күні жылыту маусымында қала әкімі үшін ең басты міндет – халықты және әлеуметтік нысандарды жылумен үздіксіз және тұрақты қамтамасыз ету. Сондай-ақ, сумен жабдықтау нысандарының жұмысын аяқтау және оларды уақытында іске қосу ерекше бақылауда болуы қажет, - деп атап өтті Е.Рамазанов.
Сонымен қатар Степногорск қаласының әкімдігіне инвестиция тарту, жаңа жұмыс орындарын құру, кәсіпкерлікті дамыту және тұрғын үй құрылысы бойынша нақты жұмыстар жүргізу тапсырылды.
Айта кетейік, Гайдар Қасенов бұған дейін Қосшы қаласының әкімі болып қызмет атқарды. 11 қарашадан бастап бұл лауазымды қызметті Азамат Капышев атқарады.
Қысқа да нұсқа. Жазылыңыз telegram - ға