«ҚазМұнайГаз» акцияларына 128 мыңнан астам өтініш берген
Компанияның бір акциясы 8 406 теңгеден сатылды
Фото: naryk.kz
Фото: naryk.kz
06.12.2022 13:31
1160
«ҚазМұнайГаз» ұлттық компаниясының IPO қорытындысы туралы «Самұрық-Қазына» ҰӘҚ» АҚ басқарма төрағасы Алмасадам Сәтқалиев айтып берді, деп хабарлайды El.kz ақпарат агенттігі.
Алмасадам Сәтқалиевтің айтуынша, кеше директорлар кеңесі мен Үкімет ҚазМұнайГаз акцияларын иеліктен шығару туралы соңғы шешімдерді қабылдады.
«Өтінімдерді қабылдау 9 қараша мен 2 желтоқсан аралығында жүргізілді. Қазақстан азаматтарының өтініштерін қанағаттандыруға басымдық берілді. Біздің азаматтардан түскен өтініштердің жалпы саны 128,7 мыңды құрады. Жалпы сома 74,6 млрд теңгені құрады», деді А.Сәтқалиев үкімет отырысында.
Ол сондай-ақ Қор келесі портфельдік компаниялардың бірқатарын IPO/SPO-ға шығаруды жоспарлап отырғанын айтты:
- 2023-2024 жылдары - Эйр Астана, KEGOC, «Самұрық-Энерго» жасыл активтер портфелі;
- 2024-2025 жылдары - ҚазақГаз;
– 2025 жылы – «Қазақстан темір жолы».
Бөлісу:
Қысқа да нұсқа. Жазылыңыз telegram - ға
Келесі жаңалық
Ақтөбеде полиция мыңға жуық көлікті алып жүрді