Қазақстанның жасөспірім қыздары хоккейден әлем чемпионы атанды
Қазақстандық хоккейшілер 15 ұпаймен бірінші орын алды![Қазақстанның жасөспірім қыздары хоккейден әлем чемпионы атанды Қазақстанның жасөспірім қыздары хоккейден әлем чемпионы атанды](/storage/storage/element/2023/02/02/mainphoto/35894/1200xauto_VVXotVwMwbdocPI8C1PoRQYPrOBWeQjHyfy0JdmP.jpg)
Шайбалы хоккейден 18 жасқа дейінгі спортшылар арасындағы әлем чемпионатында қазақстандық жасөспірім қыздар бесінші мәрте жеңіске жетті, деп хабарлайды El.kz ақпарат агенттігі.
Айта кетсек, ел құрамасы екінші дивизионында В тобында сынға түсті. Қарсыластары - Болгария, Жаңа Зеландия, Бельгия, Эстония, Исландия.
Бұған дейін ҚР хоккейшілері Болгарияны - 8:1, Жаңа Зеландияны - 7:1, Бельгияны 5:3, Эстонияны 8:0 есебімен жеңген еді.
Қазақстандық хоккейшілер бесінші кездесуінде Исландия құрамасымен кездесті. Қазақстандық хоккейшілер қарсыласынан 7:0 есебімен басым түсті.
Қорытынды ойын кестесінде қазақстандық хоккейшілер 15 ұпаймен бірінші орын алды. Одан кейінгі орындардағы Бельгияның 11, Исландияның 9, Жаңа Зеландияның 6, Болгарияның 4, Эстонияның 0 ұпайы бар.
Осылайша қазақстандық хоккейшілер енді екінші дивизионның А тобында сынға түсуге мүмкіндік алды.
![Telegram](https://el.kz./static/site/images/tel26.png)