Қазақстанның жас математиктері халықаралық олимпиадада төрт медаль жеңіп алды
![Қазақстанның жас математиктері халықаралық олимпиадада төрт медаль жеңіп алды Қазақстанның жас математиктері халықаралық олимпиадада төрт медаль жеңіп алды](/storage/storage/element/2024/06/03/mainphoto/106405/1200xauto_LOwh0IQWqeSv4uEu4gl0RNM8x7AqsxTcEyUrBw2l.jpg)
Өзбекстан астанасында көршілес алты елден: Өзбекстан, Қазақстан, Қырғызстан, Әзірбайжан, Түркіменстан және Тәжікстаннан келген 135 оқушы арасында Әл-Харезми атындағы халықаралық математика олимпиадасы өтті, деп хабарлайды El.kz ақпарат агенттігі.
Қазақстан құрамасы 100% нәтиже көрсетіп, төрт медаль жеңіп алды: 2 алтын, 1 күміс және 1 қола: Шерхан Жақсылық - Ақтөбе облыстық дарынды жасөспірімдерге арналған «Білім-инновация» мамандандырылған мектеп-интернатының 9-сынып оқушысы;
Орынбасар Бердібек - Атырау облыстық №1 «Білім-инновация» лицей-интернатының 9-сынып оқушысы; Темірлан Әбішев - Атырау облыстық №1 «Білім-инновация» лицей-интернатының 9-сынып оқушысы; Батырхан Аружан – Алматы қаласындағы Республикалық физика-математика мектебінің 8-сынып оқушысы.
Құрама команданың жетекшісі – Ибрагим Ибатулин, «Үздік педагог» номинациясының иегері, халықаралық және республикалық олимпиадалардың жеңімпазы.
Естеріңізге салсақ, бірінші олимпиада 2023 жылы өтіп, оған 5 елден 72 қатысушы жиналған. Онда Қазақстан құрамасы екі алтын, екі күміс медальді еншіледі.
![Telegram](https://el.kz./static/site/images/tel26.png)