Қазақстанның ЕАЭО елдерімен тауар айналымы рекордтық көрсеткішке жетті
![Қазақстанның ЕАЭО елдерімен тауар айналымы рекордтық көрсеткішке жетті Қазақстанның ЕАЭО елдерімен тауар айналымы рекордтық көрсеткішке жетті](/storage/storage/element/2023/09/25/mainphoto/69770/1200xauto_ZAHjt534HHDfb8G6h3VQz5qfH7IV0EelX1KvgVNO.png)
Өткен жылы Қазақстанның Еуразиялық экономикалық одақ елдерімен тауар айналымы 29,4 млрд долларды құрап, 10,4 пайызға артты. Бұл туралы премьер-министр Әлихан Смайылов «Иннопром. Қазақстан-2023» форумында айтты, деп хабарлайды El.kz ақпарат агенттігі.
Премьер-министрдің сөзінше, бұл рекордтық көрсеткіш.
Бұл қарқын биыл да жалғасуда. Биыл 6 айдың ішінде еліміздің тауар айналымы 14 млрд долларға дейін жетті. Соңғы 5 жылда өңдеу өнеркәсібінің өнімі 2,2 есеге өсті. Саланың жалпы қосылған құнының көлемі 2,3 есеге өсті. Еңбек өнімділігі 49 мың долларға дейін өсті, бұл орташа экономикалық көрсеткіштен 2 есе жоғары. Салалық тұрғыда айтатын болсақ, тау-кен металлургия кешені отандық өңдеуші өнеркәсіптің негізі болып табылады. Өткен жылы 19,3 миллиард доллардың өнімі экспортталды, бұл елдің жалпы экспортының 23 пайызын құрайды, - деді Әлихан Смайылов.
Бұған дейін премьер-министр Әлихан Смайылов елімізде машина жасау өндірісі артқанын айтқан болатын.
![Telegram](https://el.kz./static/site/images/tel26.png)