Қазақстанға 4,5 млн доллар бөлген: Байденге айып тағылды

Ақ үйдің баспасөз хатшысы Каролин Левит баспасөз конференциясы кезінде АҚШ-тың бұрынғы президенті Джо Байденнің әкімшілігін «ақымақ әрекеттері үшін» айыптады, деп хабарлайды El.kz ақпарат агенттігі.

Левитт демократтардың шығыны туралы айтты. Оның сөзіне қарағанда, Байденнің командасы Гватемалада жыныс ауыстыру операциясына қаржы бөлген.

Гватемалада жыныс ауыстырғандардың операциясына екі миллион доллар бөлінген, – деді Левитт.

Бұдан бөлек Байден билік басында тұрған уақытта АҚШ «Қазақстанда жалған ақпаратпен күреске» де қаржы бөліпті.

Иракта жаңа шоу ашуға 20 миллион доллар, ал Қазақстанда «жалған ақпаратпен күреске» 4,5 миллион доллар бөлінген. Сонымен қатар Мысырда туризмді қаржыландыру үшін қаражат бөлген, – деп қосты Ақ үйдің баспасөз хатшысы.

Сөйте тұра бұған дейінгі үкімет Калифорния мен Солтүстік Каролина тұрғындарына көмектесу үшін ешқандай әрекет жасамаған көрінеді.

Қысқа да нұсқа. Жазылыңыз telegram - ға