Қазақстандықтар биыл наннан тарықпайды – Әлихан Смайылов
![Қазақстандықтар биыл наннан тарықпайды – Әлихан Смайылов Қазақстандықтар биыл наннан тарықпайды – Әлихан Смайылов](/storage/storage/element/2023/11/07/mainphoto/75668/1200xauto_cc0n3uZfeOyDCO3OhFXFFVZC57MtarmFL3Cd6ZCF.jpg)
Елімізде нан мен ұнға деген қажеттілігін толық қамтамасыз ету үшін жеткілікті астық жиналды, деп хабарлайды El.kz ақпарат агенттігі.
Үкімет отырысында премьер-министр биыл еліміздің егіншілері үшін өте қиын жыл болғанын атап өтті.
Қолайсыз ауа райы диқанға да, техникаға да қолбайлау болды. Егін орағы ұзаққа созылып кетті. Элеваторларға түскен бидайдың 40%-ға жуығы ешқандай класқа жатпайды. Алайда, қазақстандықтар биыл наннан тарықпайды. Өткен жылдан қалған қорды ескеретін болсақ, жиналған өнім көлемі ішкі нарықты толықтай қамтамасыз етуге жеткілікті, — деді Әлихан Смайылов.
Смайылов отандық фермерлерге мемлекет тарапынан қажетті қолдау шаралары көрсетілгенін еске салды.
Тағы да атап өткім келеді. Ішкі нарықта бидаймен проблема болмауы керек. Ұн және нан өнімдері Азық-түлік корпорациясы мен өңірлік тұрақтандыру қорларының резервтері арқылы қамтамасыз етілген, — деп атап өтті ол.
![Telegram](https://el.kz./static/site/images/tel26.png)