Қазақстандық жас теннисшілер алғаш рет әлем чемпионатына жолдама алды
![Қазақстандық жас теннисшілер алғаш рет әлем чемпионатына жолдама алды Қазақстандық жас теннисшілер алғаш рет әлем чемпионатына жолдама алды](/storage/storage/element/2023/05/05/mainphoto/48718/1200xauto_0xVEBNMpFNqNsuEa4lAaK2F7EhaU4wmuXG73oDV9.jpg)
Теннистен Қазақстан қыздар құрамасы 16 жасқа дейінгілер арасында алғаш рет әлем чемпионатына жолдама алды, деп хабарлайды El.kz ақпараттық агенттігі.
Қазақстан теннис федерациясынан мәлім еткеніндей, Шымкент қаласында Азия - Тынық мұхит аймағы бойынша өтіп жатқан іріктеу турнирінің жартылай финалында Ярослава Шведованың шәкірттері әлемдегі үздік құрамалардың бірі, жасөспірімдер арасында Билли Джин Кинг кубогінің бес дүркін чемпионы Аустралияны 2:0 есебімен тізе бүктірді.
Бірінші ойында Ариана Гогулина қарсыласын тартысты матчта 7:5, 3:6, 7:5 есебімен ұтты. Ол бірінші партияда 2:5 есебімен жеңіліп жатып, қатарынан бес геймді алды. Полина Слепцова Аустралия көшбасшысы Тахлия Коккинисті жеңді - 7:5, 6:4.
Осылайша, Қазақстан жасөспірімдер құрамасы биыл күзде өтетін 16 үздік команданың қатарында әлем чемпионатында өнер көрсетеді.
![Telegram](https://el.kz./static/site/images/tel26.png)