Қазақстандық теннисші Бахрейндегі турнирде топ жарды
Фото: ҚР ҰОК
Фото: ҚР ҰОК
17.02.2024 23:45
876
Қазақстандық, әлемнің 231-ракеткасы Михаил Кукушкин Манама (Бахрейн) челленджер турнирінің жеңімпазы атанды. Бүл туралы Kazinform-ға сілтеме жасай отырып El.kz хабарлайды.
Қазақстандық теннисші финалда әлемнің 130-ракеткасы, франциялық Ришар Гаскемен бас жүлдені сарапқа салды.
М.Кукушкин бірінші партияда тай-брейкте басым түсті – 7:6 (7:5). Содан кейін екінші сетті де алды – 6:4.
Бір сағат 45 минутқа созылған тартысты бәсеке барысында Кукушкин 2 эйспен бірге 4 брейк-пойнттың тең жартысын өз есебіне жазды. Р.Гаске 3 эйс, 1 брейкпен (4 брейк-пойнт) көзге түсті.
Михаил Кукушкин осы табысының арқасында ATP Live рейтингісінде бірден 162-орынға көтеріліп тұр.
Бөлісу:
Қысқа да нұсқа. Жазылыңыз telegram - ға
Келесі жаңалық
Қызылордада енесінің атынан несие алған келін сотталды