Қазақстандық делегация ЮНЕСКО Бас конференциясының сессиясына қатысады
![Қазақстандық делегация ЮНЕСКО Бас конференциясының сессиясына қатысады Қазақстандық делегация ЮНЕСКО Бас конференциясының сессиясына қатысады](/storage/storage/element/2023/11/07/mainphoto/75638/1200xauto_4YWduNhrlLX5hfwUxyMSymF43i4xa4b4Q4wEgWft.jpg)
2023 жылғы 7-21 қараша аралығында ЮНЕСКО-ның Париж (Франция) қаласындағы штаб-пәтерінде ұйым Бас конференциясының 42-сессиясы өтеді, деп хабарлайды El.kz ақпарат агенттігі.
ҚР СІМ ресми өкілі Айбек Смадияровтың мәліметінше, 7-8 қарашада Бас конференцияның жоғары деңгейдегі панеліне Қазақстан Республикасының Мемлекеттік кеңесшісі Ерлан Қарин бастаған Қазақстан делегациясы қатысады.
Оның білім, ғылым, мәдениет және ақпарат саласындағы көпжақты өзара іс-қимыл мәселелеріне арналған жоғары деңгейдегі панельде сөз сөйлеуі жоспарланған, - делінген мәләметте.
Конференция аясында Мемлекеттік кеңесшінің ЮНЕСКО Бас директоры Одрэ Азулемен және Ұйымға басқа мүше мемлекеттердің делегация басшыларымен кездесулері жоспарлануда. Онда Қазақстанның ЮНЕСКО-мен және серіктес елдермен өзара тиімді ынтымақтастығын одан әрі нығайту мәселелері талқыланады.
![Telegram](https://el.kz./static/site/images/tel26.png)