Қазақстандық балуан UWW әлемдік рейтингінде көш бастады
Фото: ҚР ҰОК
Фото: ҚР ҰОК
07.11.2024 20:10
97
Қазақстандық грек-рим күресінің балуаны Ержет Жарылқасын Біріккен күресі әлемінің (UWW) жаңартылған әлемдік рейтингінде бірінші орынға көтерілді, деп хабарлайды El.kz ақпарат агенттігі.
Ол Тирана (Албания) қаласында олимпиадаға кірмейтін салмақ дәрежелері бойынша өткен әлем біріншілігінде сәтті өнер көрсеткеннен кейін, тізімде жоғары көтеріліп, көшбасшы болды.
Чемпионатта Ержет 63 келіге дейінгі салмақ дәрежесінде финалға шығып, әзербайжандық Нихат Маммадалиға есе жіберді.
Дей тұрғанмен, Ержет Жарылқасынның қоржынында 47 000 ұпай бар. Маммадали 45 000 ұпаймен екінші орынға орналасса, үшінші орынға 31 000 ұпаймен армяндық Карен Асланян табан тіреді.
Бөлісу:
Қысқа да нұсқа. Жазылыңыз telegram - ға