Қазақстандағы Boeing 737-9 MAX ұшақтарының ұшуға жарамдылық сертификаттары бар
![Қазақстандағы Boeing 737-9 MAX ұшақтарының ұшуға жарамдылық сертификаттары бар Қазақстандағы Boeing 737-9 MAX ұшақтарының ұшуға жарамдылық сертификаттары бар](/storage/storage/element/2024/01/07/mainphoto/84099/1200xauto_pAIGh3MNMcT7juvF4AohaTHMbg608zQOgUlPyCkL.jpg)
Азаматтық авиация комитеті Қазақстанда тіркелген Boeing MAX әуе кемелері бойынша ақпарат таратты, деп хабарлайды El.kz ақпарат агенттігі.
Қазіргі уақытта Қазақстанның авиациялық әкімшілігі Қазақстандағы осы типтегі ұшақтарды пайдаланушылармен, сондай-ақ Boeing және FAA-мен әрі қарай шаралар қабылдау қажеттілігін бағалау үшін байланыста.
Комитет мәліметінше, Қазақстанда 5 Boeing 737-9 MAX ұшағы тіркелген және олардың барлығында ұшуға жарамдылық сертификаттары бар.
FAA ұшуға жарамдылық туралы шұғыл директива шығарды (2024-02-51). Ұшуға жарамдылық директивасы автоматты түрде барлық B-737 MAX пайдаланушыларына қолданылады. Бұл директива орташа кабинаның апаттық шығу люгі орнатылған кез келген санатта сертификатталған Boeing компаниясының B737-9 үлгісіндегі әуе кемелеріне қолданылады, - делінген мәліметте.
Қазіргі уақытта Қазақстан Республикасының пайдаланушылары әуе кемелерін апаттық шығу есіктерімен (апаттық шығу люкімен емес) пайдаланады, сәйкесінше директива осы әуе кемелеріне қолданылмайды.
![Telegram](https://el.kz./static/site/images/tel26.png)