Қазақстанда жыл басталғалы өрттен 146 адам қайтыс болған

Қазақстанда жыл басталғалы өрттен 146 адам қайтыс болған, деп хабарлайды El.kz  ақпарат агенттігі.

Төтенше жағдайлар жылдың төрт айында республика бойынша тіркелген табиғи және техногендік сипаттағы төтенше жағдайлар туралы шолу жариялады. Шолудағы дерек бойынша, жыл басынан бері «112» пультіне халықтан 2 102 612 қоңырау келіп түскен.

3 875 табиғи және техногендік сипаттағы төтенше жағдай мен оқиға тіркеліп, 486 адам зардап шеккен. Соның ішінде 151 адам қаза болып, 1 млрд 272,75 млн теңгеге материалдық нұқсан келген.

Техногендік сипаттағы төтенше жағдайлардан 185 адам қаза болған. Техногендік сипаттағы жағдайлардың басым бөлігі (85,7%) өндірістік және тұрмыстық өрттен болған. Төрт айда 3 133 өрт болып, 146 адам қаза болған. 1 млрд 208,33 млн теңгеге материалдық нұқсан келген.

Өрт Батыс Қазақстанда 48,6%, Қостанай облысында 44,4%, Жамбыл облысында 42%, Атырау облысында 39,7%, Абай облысында 39,6%, Ұлытау облысында 36,8%, Ақтөбе облысында 23,1%, Алматы облысында 24,3%, Жетісу өңірінде 24%,Қызылорда облысында 14% көбейген.

Қысқа да нұсқа. Жазылыңыз telegram - ға