Қазақстанда радио мен телевидение жұмысын уақытша тоқтатады
30 қазан күні елімізде уақытша радио және телевидение жұмысын тоқтатады, деп хабарлайды El.kz ақпарат агенттігі.
«Қазтелерадио» АҚ мәліметінше, телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 30 қазан 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз, - делінген мәліметте.
Қысқа да нұсқа. Жазылыңыз telegram - ға