Қазақстанда қанша демалыс және ойын-сауық саябақтары бар?
![Қазақстанда қанша демалыс және ойын-сауық саябақтары бар? Қазақстанда қанша демалыс және ойын-сауық саябақтары бар?](/storage/storage/element/2023/06/30/mainphoto/57526/1200xauto_svk5WhzZV4ZiVAOqsAjeFS9Takq58YqTA6jI4vCV.jpg)
Қазақстан Республикасы Ұлттық статистика бюросының 2023 жылдың 1 қаңтарындағы дерегіне сәйкес, Қазақстанда 208 ойын-сауық және демалыс саябағы жұмыс істейді, деп хабарлайды El.kz.
Оның 32,7 пайызы – мемлекеттік меншікте, ал қалғаны 67,3 пайызы – жекеменшік. Ойын-сауық саябақтарының 19,2 пайызы ауылдық жерлерде орналасқан.
Еліміз бойынша демалыс және ойын-сауық саябақтарының ең көбісі Түркістан облысында, Астана мен Алматы қаласында. Түркістан облысында – 27, Астана қаласында – 22, сондай-ақ Алматыда – 20 саябақ бар. Ал ең аз саябақ Жетісу облысында. Онда небәрі 1 саябақ қана орналасқан.
Ойын-сауық және демалыс саябақтарының жалпы ауданы 184,6 мың гектарды құрайды. Онда барлығы 3 848 ойын-сауық нысаны бар. Атап айтқанда, аттракциондар – 1465, ойын автоматтары – 1642 , басқа түрлері – 741.
Айта кетейік, өткен жылы демалыс орындарына 14,2 миллион адам барған.
![Telegram](https://el.kz./static/site/images/tel26.png)