Қазақстанда аяқ киімнің бағасы 16,6%-ға қымбаттады
Астана тұрғындары бағаның жылына 25%-ға өскенін бірден сезінді
Фото: pixabay
Фото: pixabay
29.11.2022 13:11
980
Қазан айында етік, бәтеңке және басқа да аяқ киім бағасы өткен жылдың қазан айымен салыстырғанда 16,6%-ға өсті. Бұл туралы 29 қарашада ҚР Статистика бюросы мәлімдеді, деп хабарлайды El.kz ақпараттық агенттігі.
Қазақстанда 857 мың жұп былғары аяқ киім шығарылды. 2022 жылдың қаңтар-қазан айларында былғары аяқ киім өндірісінің көлемі 856,9 мың жұпты құрады, бұл өткен жылдың сәйкес кезеңімен салыстырғанда 5,5%-ға артық. Бұл деректерге спорттық аяқ киім кірмейді.
Жалпы, ағымдағы жылдың қаңтар-қыркүйек айларында 1 117,8 мың жұп аяқ киім шығарылса, 28 284,6 мың жұп импортталған. Импорттың үлесі 96,2 пайызды құрады.
Биыл қазан айының соңында Қазақстанда киім бір жыл ішінде 14,6 пайызға қымбаттады. Астана тұрғындары бағаның жылына 25%-ға өскенін бірден сезінді.
Қазақстанға киім-кешек пен аяқ-киім жеткізуде қиындық болмағанымен, саудагерлер болашаққа алаңдаушылықпен қарайды. Тауарлардың бағасы тек өседі дейді мамандар.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Сенат депутаттығына кандидат ұсыну басталды
Келесі жаңалық
Жыл басынан бері 11 мыңға жуық қандасқа қызмет көрсетілді