Қазақстан спортшылары осы аптада қандай жарыстарға қатысады

Туризм және спорт министрлігі 7-13 сәуір күндері өтетін спорттық іс-шаралар кестесін жариялады, деп хабарлайды El.kz ақпарат агенттігі.

7-12 сәуір – Сурдо жүзуден Қазақстан чемпионаты

Жарысқа 13 өңірден 152 спортшы қатысады.
Өтетін орны: Павлодар қаласы.

7-13 сәуір – Пара жүзуден «Фудзи Шизуока» Әлемдік сериясы

Қазақстан құрамасынан 5 спортшы сынға түседі.
Өтетін орны: Фудзи қаласы, Жапония.

8-13 сәуір – Бадминтоннан BWF Азия чемпионаты

Ел намысын 4 спортшы қорғайды.
Өтетін орны: Нинбо қаласы, Қытай.

8-13 сәуір – Таэквондодан (I.T.F.) барлық жас санатындағы Азия кубогы

Сары құрлық додасына 28 елден 800 спортшы қатысады. Қазақстан құрамасынан 368 спортшы бақ сынайды.
Өтетін орны: Шымкент қаласы.

8-15 сәуір – Шайбалы хоккейден әйелдер арасындағы IB дивизионының әлем чемпионаты

Жаһандық додаға Қазақстан әйелдер құрамасы да қатысады.
Өтетін орны: Дамфрис қаласы, Ұлыбритания.

10-14 сәуір – Каратэ WKF-тен ересектер арасындағы Қазақстан чемпионаты

Ішкі біріншілікке еліміздің 18 өңірінен 500 спортшы қатысады.
Өтетін орны: Ақтау қаласы.

11-12 сәуір – Киокушинкай-кан каратэден Қазақстан кубогы

15 өңірден 500 спортшы жарыс жолына шығады.
Өтетін орны: Қарағанды қаласы.

11-13 сәуір – Синхронды жүзуден Әлем кубогы кезеңі

Қазақстан құрамасынан 6 спортшы өнер көрсетеді.
Өтетін орны: Сомабай қаласы, Мысыр.

13-17 сәуір – Спорттық және жауынгерлік самбодан ересектер арасындағы Азия және Мұхит елдері чемпионаты

Жарысқа ел құрамасынан 90 спортшы қатысады.
Өтетін орны: Ташкент қаласы, Өзбекстан.

13-19 сәуір – Жеңіл атлетикадан (U18) VI Азия чемпионаты

Қазақстан құрамасынан 10 спортшы жүлдеге таласады.
Өтетін орны: Даммам қаласы, Сауд Арабиясы.

13-22 сәуір – Стенд атудан Әлем кубогы

Ел намысын 4 спортшы қорғайды.
Өтетін орны: Лима қаласы, Перу.

13-22 сәуір – Нысана көздеуден Әлем кубогы

Отандық 14 спортшы сынға түседі.
Өтетін орны: Лима қаласы, Перу.

Қысқа да нұсқа. Жазылыңыз telegram - ға