Қазақстан спортшылары көркем гимнастика Будапеште төрт алтын иеленді
![Қазақстан спортшылары көркем гимнастика Будапеште төрт алтын иеленді Қазақстан спортшылары көркем гимнастика Будапеште төрт алтын иеленді](/storage/storage/element/2024/02/19/mainphoto/90305/1200xauto_l4wDstSUzdjd92w5HN2pd0CmedqRUdOuntgkXCJC.jpg)
Мажарстан астанасы Будапеште өткен көркем гимнастикадан 28-ші Gracia Fair Cup халықаралық турнирінде Қазақстан құрамасы 4 алтын, 1 күміс және 1 қола медаль жеңіп алды, деп хабарлайды El.kz ақпарат агенттігі спортты дамыту дирекциясының баспасөз қызметіне сілтеме жасап.
Бұл сында Айбота Ертайқызы мен Эрика Жайлауова Қазақстан қоржынына 4 алтын медаль салып отыр.
Бүгін жекелей сында Айбота Ертайқызы доппен, лентамен және ұршықпен өнер көрсетуде дес бермей, 3 жаттығуда алтыннан алқа тақты. Ал Эрика Жайлауова шығыршық жаттығуында чемпион атанды.
Кеше көпсайыста Айбота күміс (125,2 балл), Эрика қола жүлдегер (122,25 ұпай) атанған. Сондай-ақ мұнда Ұлттық құрама гимнасты Милана Парфилова 4-ші, Зере Бақытжанқызы 6-шы, Айым Мейіржанова 7-ші сатыға тұрақтаған болатын.
![Telegram](https://el.kz./static/site/images/tel26.png)