Қазақстан мен Ресей шекарашылары қақтығысып қалғаны рас па?
![Қазақстан мен Ресей шекарашылары қақтығысып қалғаны рас па? Қазақстан мен Ресей шекарашылары қақтығысып қалғаны рас па?](/storage/storage/element/2023/09/20/mainphoto/69100/1200xauto_zpPAG6Ow1qfWdl8uwq0kjwICvEKzdftDslkc9R34.png)
Әлеуметтік желілерде Қазақстан мен Ресей шекарашылары арасындағы қақтығыстың салдары түсірілген видео тарап жатыр. ҚР Ішкі істер министрлігі бұл ақпаратқа қатысты түсінік берді, деп хабарлайды El.kz ақпарат агенттігі stopfake.kz-ке сілтеме жасап.
Таралған видеода әскери киімдегі адамдар және әскери техника көрсетілген, ал кадр сыртындағы дауыстың айтуынша, қақтығыс Қостанай облысында орын алған, қазір онда техника тартылып жатыр.
ІІМ-нің хабарлауынша, мұның бәрі жалған.
Қазақстан Республикасының ІІМ Қостанай облысындағы шекарадағы арандату туралы әлеуметтік желілерде таралған ақпарат шындыққа жанаспайтынын және жалған болып табылатынын хабарлайды. Видеода биыл 8 қыркүйекте Қостанай қаласы аумағында өткен жоспарлы далалық сабақтарға бара жатқан ҚР ІІМ Ұлттық ұлан автокөлігінің колоннасы көрсетілген. Көрінеу жалған ақпарат таратқаны үшін қылмыстық жауапкершілік қарастырылғанын еске саламыз, - деп хабарлады ведомствоның баспасөз қызметі.
![Telegram](https://el.kz./static/site/images/tel26.png)