Қазақстан мен Нидерланд СІМ басшылары телефон арқылы сөйлесті
Фото: СІМ-нің баспасөз қызметі
Фото: СІМ-нің баспасөз қызметі
03.04.2024 23:47
932
Нидерланд тарапының бастамасымен еліміздің Премьер-министрінің орынбасары – сыртқы істер министрі Мұрат Нұртілеу Нидерланд Корольдігінің сыртқы істер министрі Ханке Бруинс Слотпен телефон арқылы сөйлесті, деп хабарлайды El.kz ақпарат агенттігі.
Сұхбат барысында тараптар екіжақты саяси және сауда-экономикалық байланыстарды нығайту жолдарын, сондай-ақ көпжақты құрылымдар шеңберіндегі өзара іс-қимылды талқылады. Шенген аймағында ҚР азаматтары үшін визалық режимді жеңілдету мәселелеріне бөлек назар аударылды.
Сондай-ақ, тараптар халықаралық күн тәртібіндегі өзекті мәселелер бойынша пікір алмасып, тұрақты диалогты жалғастыруға уағдаласты.
Бөлісу:
Қысқа да нұсқа. Жазылыңыз telegram - ға